САКМАРА, дарёест дар РАСС Бошқ ва вилояти Оренбурги РСФСР, шохоби рости дарёи Урал. Тӯлаш 798 мм, масоҳ, ҳавзааш 30,2 ҳазор км2. Аз нишебиҳои қаторкӯҳи Уралтов ибтидо ёфта, дар Ҷануб аз водии васеи кӯҳӣ ҷори мешавад.
Аз пуштакӯҳи Зилаир ва дараи чуқур гузашта, ба Ғарб тоб мехӯрад. Манбааш асосан барф. Давраи пуробиаш аз апрел то аввали июн. Ноябр ях баста, апрел яхаш об мешавад. Шохобҳои асосиаш аз рост — Зилаир, Ики Калом ва Солмиш. Поёноби Сакмара киштигард аст. Дар соҳили дарё шаҳри Қувондиқ, дар наздикии резишгоҳаш, дар соҳили дарёи Урал шаҳри Оренбург воқеъ гаштаанд.