Онон, дарёест дар Республикаи Халқии Монголия ва вилояти Читаи Республикаи Советии Федеративии Сотсиалистии Россия. Бо дарёи Ингода ҳамроҳ шуда дарёи Шилка (ҳавзаи Амур)-ро ташкил медиҳад. Тӯлаш 1032 километр; масоҳати ҳавзааш 96200 километр2. Аз кӯҳсори Хэнтэй оғоз ёфта, дар масофаи зиёд дашти баланди ҳамворро бурида мегузарад.
Ҷазираҳои бисёре дорад. Манбааш асосан барф. Сарфи об дар наздикии резишгоҳ ба ҳисоби миёна 191 метрэ/сония. Ноябр ях баста, апрел яхаш об мешавад. Шохобҳо: аз рост — Хуpax-Гол, Борзя, Унда; аз чап — Агуса, Кира, Ага. Барои обёрӣ ва аз об таъмин намудани корхонаҳои саноатӣ истифода мешавад.