Дарёи Ом

Ом, дарёест дар вилоятҳои Ново­сибирск ва Омски Республикаи Советии Федеративии Сотсиалисти Россия, шохоби рости дарёи Иртиш (ҳавзаи дарёи Об). Тӯлаш 1091 километр, масоҳати ҳавзааш 52 600 километр². Аз канори ҷануби шарқии ҳамвории Васюган ибтидо ёфта, бештар дар пастии Барабин ҷорӣ мешавад.

Манбааш асосаи барф. Давраи серобиаш май — июл. Сарфи миёнаи об 121 километр болотар аз резишгоҳ 64 метр/сония; максималиаш 814 метр/сония, минималиаш 0,80 метр/сония. Зимистон ях мебандад. Шохобҳои асосиаш аз рост: Ича, Кама, Тартас. Дар поёнобаш ба масофаи 100 километр салкашӣ мекунанд. Аз шаҳри Куйбышев сар карда киштигард аст. Дар соҳили Омск шаҳри Калачинск ва дар назди резишгоҳаш шаҳри Омск воқеанд.