Дарёи Оқсӯ

Оқсӯ, дарёест дар Помири Шарқӣ, болооби дарёҳои Бартангу Мурғоб. Тӯлааш 222 километр, масоҳати ҳавзааш 10 500 километр². Аз нишебиҳои ҷануби қаторкӯҳи Ва­хон cap шуда, 37 километраш аз территорияи Афғонистон ва боқимондааш аз территорияи райони Мурғоби Вилояти Автономии Бадахшони Кӯҳӣ мегузарад. 15 километр шарқтар аз посёлкаи Мурғоб ба Оқсу дарёи Оқбайтали Ҷанубӣ ҳамроҳ мешавад ва он Мурғоб ном мегирад.

Водии дарё дар болообааш тангу чуқур бу­да, дар территорияи Помири Советӣ то 10— 15 километр васеъ мешавад. Манбааш пиряху барф. Сарфи миёнаи об тобистон дар наздикии посёлкаи Мурғоб 24— 47 метр^э/сония, зимистон 4—5 метр³/сония. Шохобҳои асосиаш: аз рост — Тегирмонсу, Хонйӯлӣ, Бейик, Болғин, аз чап — Истиқлолияти Сулуистиқ. Дар қарибии саргади Оқсу Чақмоқтинкӯл воқеъ гаштааст. Дарё зимистон ях ме- бандад. Дар қисми дарёбоди Оқсу марғзордои сералаф бисёранд.