Дарёи Ожогина

Ожогина, дарёест дар РАСС Еқут., шохоби чапи дарёи Колима. Тӯлаш 523 километр, масоҳати ҳавзааш 24300 километр². Аз якшавии дарёҳои Сулаккан ва Делкю, ки аз қаторкӯҳи Мома ибтидо  меёбанд, ҳосил мешавад.

Дар ҳавзаи Ожогина зиёда аз 2800 кӯл (масоҳати умумиашон 908 километр²) мавҷуд аст. Манбаи дарё барфу борон. Давраи яхбандӣ октябр—май. Шохобҳои калонтаринаш: Хоска (аз чап), Чёчёлюгюн (аз рост). Дар поёнобаш ка­тер мегардад.