ЦИРКОН (нем. Zirkon, аз калимаи тоҷикии заргун), минералест аз синфи силикатҳо, ZrSiO. Аксар вақт омехтаи элементҳои нодирзамин — гафний, торий, уран ва ғ. дорад. Зард, сурхи ҷигаритоб, хокистарранг, гулобӣ ва баъзан беранг мешавад. Сахтиаш 7—7,5; зичиаш 3,9—4,7 г/ см3. Хосияти радиоактивӣ дорад.
Циркон ҳамчун минерали акцессорӣ ба таркиби бисёр ҷинсҳо — гранитҳо, сиенитҳо, пегматитҳои ишқорӣ ва ғ. дохил мешавад. Навъҳои сурх ва зарди шаффофи Циркон сангҳои қиматбаҳоянд. Циркон маъдани цирконий ва гафний мебошад.