ЧЕРНИГОВ, шаҳрест дар РССУ, маркази вил. Чернигов. Узели р. о., бандар дар д. Десна. Аҳолиаш 270 ҳаз. наф. (1964). Дар Чернигов корхонаҳои саноати сабук, хурокворӣ, химия ва чӯбгарӣ, инчунин фабрикаи асбобҳои мусиқӣ мавҷуданд. Ин-ти педагогӣ, театр дорад. Чернигов аз а. 9 маълум аст. Дар ҳайати Литва, Польша буд, с. 1654 тамоман ба Россия баргардонида шуд. Дар Чернигов ёдгориҳои меъмории Руси Киев — калисоҳои ҷомеаи Спасо-Преображенский (а. 11), Борисоглебский (а. 12), Калисои Пятницкий (ох. а. 12— авв. а. 13), хонаи Лизогуб (1690), ансамблҳои Елецкий (а.17) ва Троицкий (асрҳои 17—18) боқӣ мондаанд.
Tags Шаҳр
Инчунин кобед
Деҳаи САҒИРДАШТ
САҒИРДАШТ, деҳаест дар райони Қалъаихуми Вилояти Автономии Бадахшони Кӯҳӣ, маркази Совети қишлоқи Сағирдашт. Территорияи совхози …