ЧЕКАНКА

ЧЕКАНКА, бурида партофтани нуги навда ё навдаҳои болоии рдстаниҳои х. қ.-ро гӯянд; усули агротехникист, ки ба сабзиши мева ва тезтар пухтани ҳосил мусоидат мекунад. Баъди Чеканка инкишофи навдаҳо қатъ гашта, ба ғӯракҳои ташаккулёбанда моддаҳои ғизоӣ бештар дохил мешаванд. Пахта, ток ва зироати диг.-ро Чеканка мекунанд.

Чеканкаи пахта расиши нах ва шукуфтани кӯракро метезонад, пояи растаниро мустаҳкам мекунад. Чеканкаро вақте мегузаронанд, ки ниҳоли пахта 14—16 навдаи пурбор дошта бошад. Пояи асосиро 4—6 см, навдаҳои паҳлӯиро 2—3 см мебуранд. Ниҳоли пахтаро бо олати 4ВХ-4, ки ба культиватор (якбора байни қаторҳоро нарм мекунад ё ҷуяк мекашад) васл шудааст, Чеканка мекунанд.