ЧАРАС, як навъ ангури маҳаллист. Асосан дар районҳои токдории РСС Тоҷикистон, РСС Узбекистон, РСС Қазоқистон ва РСС Туркманистон маъмул шудааст. Токаш тезсабз. Баргаш мудаввари панҷпарра, хушааш миёна ё калон (280—400 г ва баъзан то 1200 г). Донааш калон (3,5—4 г), мудаввар ё байзашакл, ширин, пусташ ғафс, 20—24% қанд ва 5,5—6 г/л туршӣ дорад. Даври нашваш 120—125 рўз. Аз ҳар га токзор андаряк 140—160 ц ҳосил меғундоранд. Асосан барои тархурӣ истифода мебаранд. Чарас аз ҷел ва касалии баргпечак бештар зарар мебинад.