«ЧАКОВАК» 1) гўшаи мусиқист, дар шӯъбаи «Ракаб»-и мақоми «Кӯчак»-и овозаи «Моя»-и “Дувоздаҳмақом». Дар вазни (зарби) «Даври равон» иҷро мешавад. «Чаковак» дар «Шашмақом» амал надорад. 2) як навои мусиқии қадимист, ки Борбади Марвӣ тасниф кардааст. Бино оба маълумоти маъхазҳои қадима «Чаковак» ба таркиби 30 лаҳн (сигона)-и Борбад дохил мешавад.
Наво гар навои Чаковак бувад.
Чу душман занад, тири новак бувад.
(Низомӣ).
3) гӯшаи созӣ дар мақоми «Ҳумоюн» (Эрон). И. Раҳимов.