ЧАКАМУҒИҲО, чиноракиҳо (Ranunculaceae), оилаи гиёҳҳои як ё бисёрсола, баъзан нимбуттаву бутта ва растаниҳои лианамонанд (Clematis) -ро гўянд. Барги паррадор, хӯшагули чатршакл, саракмонанд доранд. Меваашон сертухми аксар «баргак» ё чормағзакмонанд, баъзан ғуҷуммева ё ғӯза; тухмашон майда. Дар Тоҷикистон 22 ҷинс (112 намуд)-и Чакамуғиҳо (чакамуғ, испарак ва ғ.) мерӯяд.
Аксар Чакамуғиҳо (адрасмон, испарак, сиёҳдона ва ғ.) алкалоид ва гликозидҳо доранд. Баъзе Чакамуғиҳо растаниҳои доруӣ, заҳрнок, ороишӣ, зироати хӯроки чорво ва алафҳои бегона мебошанд. Ниг. низ Баҳоргул, Аҷалгиёҳ, Девток.
Ад.: Флора Таджикской ССР, т. 4. Л., 1975. С. Юнусов.