БРАГИНСКИЙ Борис Маркович (17.1.1926, шаҳри Киев – 31.8.1972, Гродно), терапевт, доктори илмҳои тиб (1965), профессор (1969). Хатмкардаи Институти тиббии шаҳри Киев (1947). Ходими илмии Институти тадқиқоти илмии ғизои Вазорати ҳифзи сиҳҳати Украина (1947-53), ассистент ва дотсенти кафедраи терапияи факултативии Институти давлатии тиббии Тоҷикистон ба номи Абуалӣ ибни Сино (1953-58), сартерапевти Вазорати тандурустии Тоҷикистон (1958-62). Фаъолияти минбаъдааш ба сифати мудири кафедраи терапияи факултативии Институти тиббии шаҳри Гроднои Белоруссия (1963-72) идома ёфтааст. Брагинский доир ба мубодила ва таъсири витаминҳои гуногун ба организми одам, хусусан ба ҷигар, инчунин амрози хун, физиотерапия таҳқиқот анҷом додааст.
Tags Шахсони машҳур
Инчунин кобед
САХАРИМЕТРИЯ
САХАРИМЕТРИЯ (аз русӣ сахар —қанд ва …метрия), усулест, ки ба воситаи он ғилзати маҳлули моддаҳои …