БРАГАЛЯ (Bragalia) Антон Ҷулио (1890-1960), коргардони театрии итолиёӣ, рассом, оператори кино, мунаққид ва назарияпардози санъат. Яке аз намояндагони маъруфи футуризми Итолиё. Солҳои 1919-43 намоишгоҳи ба номи «Каза д’арте» дошт, ки дар он асарҳои рассомони пешгоми тамоми равияҳо ба маъраз гузошта мешуданд. Брагаля барои таҷдиди саҳнаи итолиёӣ, ҷорӣ намудани воситаҳои техникие, ки қудрати ба театр додани шаклҳои нави балоғатро доранд, мекӯшид. Асари асосии назариявии Брагаля «Дар бораи театр» (1927) мебошад. Брагаля дар бораи санъати саҳна, аз ҷумла масъалаҳои ниқоб силсилаи асарҳо навиштааст. Солҳои 1922-31 театри шахсии «Театри мустақилҳо»-ро ташкил ва роҳбарӣ намуд. Солҳои 193743 роҳбарӣ бадеии Театри бадеии Рим буд. Барои намоиш додани пйесаҳои классикӣ ва муосири хориҷӣ дар саҳнаи Итолиё мусоидат намуд, пйесаҳои драматургҳои аҳди Эҳё, матнҳои нодири муаллифони итолиёӣ ва хориҷиро ба саҳна мегузошт. Якчанд филм ба навор бардоштааст.
Tags Шахсони машҳур
Инчунин кобед
САФОЛ
САФОЛ, маснуот ва ашёест, ки дар натиҷаи ба ҳам омехтани гилмоя, хамираи минералҳо, оксидҳо ва …