БОСТОНДЕҲ

БОСТОНДЕҲ (то 14.12.12 Уртақишлоқи Боло ва По­ён), деҳа дар ҷамоати деҳоти Саразми ноҳияи Панҷакент. Аз деҳа то марказӣ ноҳия 7 километр; роҳ асфалтпӯш. Аҳолиаш 2610 нафар (январи 2013). Мактаби таҳсилоти умумии асосӣ, мактаби таҳсилоти миёнаи умумӣ, клуб, 4 нуқтаи савдои хусусӣ дорад. Соҳаҳои асосии хоҷагӣ: сабзавоткорӣ, тамокупарварӣ, пилапарварӣ, чорводорӣ. Заминҳо аз наҳри Тӯқсанкорез обёрӣ мешаванд. Ёдгори таърихии Шаҳртеппа дар ҳамин деҳа маҳфуз мондааст.