БОНКИ ДАВЛАТӢ

БОНКИ ДАВЛАТӢ, бонке, ки моликияти давлат буда, онро мақомоти давлатӣ роҳбарӣ мекунад. Бонки давлатӣ марказӣ ва тиҷоратӣ мешавад. Бонкҳои марказии баъзе мамлакатҳо бонкӣ давлатӣ буда, сармоя ва моликияташон мансуб ба давлат аст. Онҳо сиёсату амалиёти худро на барои ба даст овардани фонда, балки дар асоси талаботи иқтисоди миллӣ ба роҳ мемонанд. Бонкҳои давлатии тиҷоратӣ сиёсати давлатро дар бобати ба хоҷагиҳо додани кре­дит ҷонибдорӣ карда, амалиёти сармоягузорӣ, миёнаравӣ ва ҳисобу китоб мегузаронанд.