БОНЧ-БРУЕВИЧ Владимир Димитриевич (28.6.(10.7) 1873-14.7.1955), ходими давлатӣ ва сиёсии Руссия, доктори илмҳои таърих. Соли 1892 Омӯзишгоҳи заминсозии Курскро хатм намуд. Аз соли 1895 ба ҳаракати сотсиал-демократӣ пайваст ва ба чопи як қатор нашрияҳои болшевикӣ пардохт. Дар солҳои 1898—99 ба мавҷи ҳаракати тариқатгароии зидди православӣ аз Қафқоз ва Канада иштирок дошт. Дар Британияи Кабир ва Женева «Маводди марбут ба таърих ва омӯзиши ҳаракати динию ҷамъиятӣ дар Руссия»-ро ба чоп расонд. Соли 1908 чопи ҳамин нашрияро дар Руссия аз нав таҷдид кард. Барномаи мушаххаси фаъолият ҷиҳати ҷалб намудани тариқатгарии мазҳабӣ ба ҳаракати коргариро пешниҳод намуд. Бонч-Бруевич иштирокчии инқилобҳои Феврал ва Октябри соли 1917 мебошад. Солҳои 1917-20 сарпарасти умури ташкили КХС-и ҷумҳуриҳои Иттиҳоди Шӯравӣ. Аз соли 1920 ба корҳои илмӣ машғул буд. Аз соли 1933 директори музейи давлатӣ дар Маскав.
Tags Шахсони машҳур
Инчунин кобед
САХАРИМЕТРИЯ
САХАРИМЕТРИЯ (аз русӣ сахар —қанд ва …метрия), усулест, ки ба воситаи он ғилзати маҳлули моддаҳои …