БОЙСУНҒУР МИРЗО фарзанди Маҳмуд ибни Ахмад ибни Абусаиди Гургонӣ (номаълум), ҳокими ноҳияи Бадахшон (ҳукмронӣ 1474-1495). Шахси бофазлу дониш буда, шеър мегуфт ва дар шеър «Одилӣ» тахаллус мекард. Дар «Маҷолису-н-нафоис»-и Алишери Навоӣ омадааст, ки Султоналии Машҳадӣ покизагии хатти настаълиқи вайро ситудааст. Аз осори ӯ қитъае дар мураққаи Баҳром Мирзо дар китобхонаи Хазинаи авқофи Истанбул маҳфуз аст, ки бо хатти хуш навишта шудааст. Ин Бойсунғурро бо Бойсунғур Мирзо – фарзанди Шоҳрух ибни Темур, ки дар соли 1434 вафот кардааст ва ба ҷуз настаълиҳ ҳамаи анвои хатро хуш менавиштааст, набояд иштибоҳ кард.
Н. Шарипов.