Таджикистан – Энциклопедия на таджикском языке КИТОБАМ
БОЙМАТОВ Алиҷон Азизович (таваллуд 12.6.1945, Ленинобод), иқтисоддон, профессор (1991), доктори иилмҳои иқтисод (1998). Хатмкардаи УДТ (1966). Солҳои 1966-84 корманди илмӣ, мудири шуъба ва директори Филиали тоҷикистонии Институти умумииттифоқии тадқиқоти илмӣ оид ба омӯзиши талабот ва вазъи савдо дар шаҳри Душанбе, 1984- 2001 ходими илмӣ ва мудири шуъбаи Пажуҳишгоҳи иқтисодиёти АИ Ҷумҳурии Тоҷикистон, 1993 х. к. илмии маркази илми бахши Хуҷандии АИ Тоҷикистон, 2001-11 муовини директори Институти менеҷмент ва технологияи компютерии Донишгоҳи давлатии Хуҷанд ба номи Б. Ғафуров буд. Аз соли 2012 директори Маркази илмӣ-таҳсилотии Донишгоҳи созмони ҳамкориҳои Шанхай дар назди Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд. Ҳамзамон солҳои 1993-2001 профессори Донишгоҳи давлатии хуқуқ, бизнес ва сиёсати Тоҷикистон дар шаҳри Хуҷанд, бахши Хуҷандии Донишгоҳи давлатии тиҷорати Тоҷикистон, роҳбари гурӯҳи мураттабони «Барномаи дигаргунсозии иқтисодии вилояти Суғд барои солҳои 1996-2000», муовини раиси Шӯрои мутобиқгардонӣ ва рушди соҳибкорӣ дар назди раиси вилояти Суғд, 2000-05 директори Маркази минтақавии маркетингии вилояти Суғд, 1999-2004 тренер-профессор Маркази тайёр кардани кадрҳои мунитсипалӣ буд. Оид ба соҳаи омӯзиши бозор, истеъмолот ва дараҷаи зиндагонии аҳолӣ, соҳибкорӣ ва маркетинг, муносибатҳои иқтисодии байналхалқӣ, низоми иқтисоди бозорӣ, рушди иқтисоди минтақа зиёда аз 150 асару мақола ва кори илмӣ, аз ҷумла 21 рисола ва китоби дарсӣ таълиф кардааст. Таҳти роҳбарии ӯ 7 нафар рисолаҳои номзадӣ ҳимоя намуданд.
Осор: Внутренный рынок товаров легкой промышленности Таджикистана. Душанбе, 1977; Народное потребление в Таджикистане. Душанбе, 1980; Региональный рынок: особенности и проблемы сбалансированности. Душанбе, 1985; Асосҳои соҳибкорӣ ва маркетинг Xуҷанд, 2002; Экономика Таджикистана на пути к рынку. Xуҷанд, 2002; Маркетинг – назария ва амалияи замони муосир (китоби дарсӣ барои донишгоҳҳои касбӣ). Xуҷанд, 2009; Таджикистан, Кыргызстан: Торгово-экономическое сотрудничество. Xуҷанд, 2001 (ҳаммуаллиф). Ш. Тошева.
