БОЧЧОНИ (Boccioni) Умберто (19.10.1882-17.8.1916), рассом ва ҳайкалтароши итолиёӣ, яке аз пешвоёни футуризм. Дар авоили асри 20 ба символизм майл намуд («Саворагони Апокалипсис», 1908). Баъдтар ҷойи образҳои издиҳоми пурғавғоро («Шаҳри ба боло қоматафрохта», 1910-11) шаклҳои нимхаёлии «нерӯи тоза» («Динамизми футболбоз», 1913) гирифтанд, ки ин ба ҳайкалтарошии Боччони низ хос аст («Шаклҳои беҳамтои пайдарҳамӣ дар фазо» 1913, биринҷӣ). Соли 1914 китоби «Рассомӣ, муҷассамасозии футуристон»-ро ба табъ расонд.
Адабиёт: Бобринская Е. А. Футуризм. Москва, 2000; Новая российская энциклопедия. Т. III (1). Москва, 2007.