САЙПАН (Saipan), ҷазиран вулканӣ дар уқёнуси Ором, дар гурӯҳи ҷазираҳои Мариана. Масоҳаташ 181 км2. Аҳолиаш 10,5 ҳазор нафар (1971). Сайпан маркази маъмурии территорияест, ки он зери васояти ТДМ буда, ҷазираҳои Каролин, Маршалл ва Мариана (ғайр аз ҷазираҳои Гуам)-ро дар бар мегирад ва аз тарафи ИМА идора карда мешавад.
Дар Сайпан плантатсияҳои найшакар, маниок, дарахти норҷил, банан мавҷуданд. Ҷазираро соли 1521 Ф. Мегеллан кашф кардааст.