БОЗ Иброҳими Боз, Иброҳим ибни Муҳаммалибни Бозии Андалусӣ (фавт 887), яке аз нахустин  муҳаддисон.

БОЗ воҳиди тӯл, ки баробар аст ба: 1) андозаи сари ангуштон то оринҷ; 2) андозаи кушодагии ду даст, вақте ки аз ҳамдигар кушода бошанд; 3) миқдори аз даст мобайни сарангушти хурд ва  ангушти шаст, ваҷаб.

БОЗ Бож, муаррабаш Фоз, қария (деҳа)-ест байни шаҳри Тус ва Нишопур. Дар ин деҳа чанде аз аҳли илму адаб, аз ҷумла, Ҳаким Абулқосими Фирдавсӣ ба дунё омадаанд.

БОЗ қаря (деҳа)-ест ба дурии шаш фарсах (ҳафт фарсанг низ гуфтаанд) аз шаҳри Марв. Дар ин деҳа чанде аз аҳли илму адаб, аз ҷумла муҳаддисоне таваллуд шудаанд, ки нисбаашон аз ин деҳа аст, масалан, Абуалӣ Ҳусайн ибни Наср ибни Ҳасан ибни Саъд ибни Абдуллоҳ ибни Бози Мавсилӣ.