АБУМАЪШАРИ БАЛХӢ

АБУМАЪШАРИ БАЛХӢ ибни Му¬ҳаммад ибни Умар (соли таваллуд номаълум – вафот 886), мунаҷҷим. Дар Европа бо номи Абумасар машҳур аст. Бино ба маълумоти баъзе маъхазҳо Абумаъшари Балхӣ бештар аз 100 сол умр дидааст ва зиёда аз 30 асар таълиф намудааст. «Мадхал ила илми аҳком-ин-нуҷум» («Мадхали илми ҳукми нуҷум») ном асри ӯ дар Европа машҳур буд. Нусхаи хаттии асари ӯ «Мухтасар дар илми нуҷум», ки оид ба астрология аст, дар Ганҷинаи дастнависҳои шарқии Институти шарқшиносии Академияи Илмҳои Ҷумҳурии Ӯзбекистон маҳфуз мебошад.