Абдураҳмонов Нозимчон (1904, Конибодом – 1994, ҳамон ҷо), пахтакор, Қаҳрамони Меҳнати Сотсиалистӣ (1948), Устоди пахтаи Тоҷикистон (1959).
Коргари артели ҳунармандии «Болшевик» (1928 – 29) ва Комбинати консервабарории шаҳри Конибодом (1930 – 1931), сардори бригадаи пахтакории колхози «Ленинград»-и ноҳияи Конибодом (1932 – 1968). Аз соли 1965 нафақагир.
Бригадааш солиёни зиёд ҳосили баланди пахта рӯёнидааст. Бо орденҳои Ленин, «Нишони фахрӣ», медалҳо ва Грамотаи Фахрии Президиуми Совети Олии РСС Тоҷикистон сарфароз гардидааст.