Абдураҳимов Зубайдулло Зиёдуллоевич (таваллудаш 29. 1. 1958, ноҳияи Варзоб), духтури кардиолог, доктори илмҳои тиб (2000), профессор (2002). Хатмкардаи факултети муолиҷавии Институти давлатии тиббии Тоҷикистон ба номи Абуалӣ ибни Сино (1981). Ординатор (1981 – 1983) ва аспиранти Институти ҷарроҳии дилу рагҳои ба номи А. Н. Бакулеви АИТ СССР дар Москва (1983 – 1986), духтури шӯъбаи ҷарроҳии дилу рагҳои Беморхонаи клиникии № 5 Душанбе (1986 – 1990), ассистент (1990 – 1994) ва дотсент (1994 -2002)-и кафедраи ҷарроҳии госпиталии ДДТТ ба номи Абуалӣ ибни Сино.
Аз соли 2002 профессори кафедраи бемориҳои ҷарроҳиталаби № 2-и ҳамин донишгоҳ ва шӯъбаи ҷарроҳии дили Маркази илмии ҷумҳуриявии ҷарроҳии дилу рагҳо ва қафаси сина. Оид ба мавзӯи гардиши сунъии хун дар шароити гипотермияи амиқ ва ҷараёни коҳишёфтаи хун ҳангоми ҷарроҳии кушодаи дил дар кӯдакони то яксола, ҳамчунин фароҳам овардани шароити мусоид барои табобати амрози фасодии шуш бо роҳи ислоҳи фаъолияти мубодилаи ғайригазии шуш пажӯҳиш анҷом додааст.
Муаллифи 120 асарҳои илмӣ, аз ҷумла 3 монография, 4 дастури таълимию методӣ, 9 таклифи навоварона, 2 ихтироъ. Таҳти роҳбарии ӯ 2 нафар рисолаи номзадии илмро дифоъ кардаанд. Бо медали НКХХ СССР сарфароз гаштааст.
Ос.: Современные аспекты комплексного лечения острых легочных напюительных заболеваний, Д., 2002; Новые аспекты диагностики и комплексного лечения нагноившегося эхино- коккоэа легких. Д., 2006; Новые аспекты диагностики и лечения хронических перикардитов, Д., 2007; Митральный стеноз, Д., 2007.