Абдулоева Сипорат (таваллудаш 1932, Панҷакент – 28. 1. 2007, ҳамон ҷо), тамокукор, Қаҳрамони Меҳнати Сотсиалистӣ (1981). Колхозчии хоҷагии ба номи К. Маркси ноҳияи Панҷакент (1948 – 1963), коргари Иттиҳодияи истеҳсолии корхонаи коркарди тамокуи шаҳри Панҷакент (1963 – 1989).
Аз соли 1990 нафақагир буд. Дар тамокукорӣ ба муваффақиятҳо ноил шудааст. Бо орденҳои Ленин, «Нишони фахрӣ», медалҳо ва Грамотаҳои Фахрии Президиум и Совети Олии РСС Тоҷикистон сарфароз гардидааст.