Абдуллоев Музаффар Мансурович (таваллудаш 6. 6. 1967, Конибодом), арбоби низомӣ, генерал-майор (2004). Хатмкардаи Донишкадаи олии Харбин автомобилии ш. Уссурийск (1988) ва Академияи ҳарбии автомобилии Россия (2000).
Солҳои 1988 -1992 сардори шӯъбаи автомобили дар қисмҳои низомии Иттифоқи Советӣ (Ленинград), 1992 – 1993 командири рота дар Артиши Тоҷикистон, 1993 – 1995 сардори шӯъбаи автомобилии Коллеҷи Ҳарбии Тоҷикистон, 1995 – 1997 муовини командир ва командири қисми ҳарбии Вазорати мудофиаи Ҷумҳурии Тоҷикистон, 2001-2005 сардори Ситоди қушунҳои хушкигард, муовини вазири мудофиаи ҶумҳурииТоҷикистон, 2005 – 2006 сардори раёсати Вазорати мудофиаи Ҷумҳурии Тоҷикистон, 2006 – 2007 муовини раиси Комитети давлатии сарҳади Ҷумҳурии Тоҷикистон, 2007 – 2008 сардори раёсати Комитети давлатии амнияти миллим Ҷумҳурии Тоҷикистон, 2008 – 2010 сардори шӯъбаи Саридораи ҳифзи сирри давлатии назди Ҳукумати Ҷумҳурии Тоҷикистон. Аз соли 2010 нафақагир.