БОРПӮШ, навъе аз ҷиҳози арӯс, намуди санъати ороиши амалӣ. Борпӯш порчаи калони гулдӯзӣ ё сӯзанӣ аст, ки маъмулан барои рӯпӯшии тахти кӯрпаву болишти навхонадорон таҳия карда мешавад. Пас аз он ки арӯсро ба хонаи домод меоранд, қисме аз бисоти арӯсии ӯ, мисли кӯрпа, кӯрпача, болишт ба болои сандуқи чашнӣ (тӯйӣ) …

БОРОНХОҲӢ, истисқо, истимтор, маросими талаб кардани нузули борон дар мавридҳои ниёзи сахт ба он. Парастиши худоӣ борон ва эътиқод ба фуруд овардани борон аснои таъхири он миёни қавмҳову динҳои гу­ногун аз аҳди бостон роиҷ будааст. Масалан, дар «Вандидод» Аҳурамаздо ваъда медиҳад, ки ба замин борон биборонад, то барои мардуми имондор …

БОРОНСАНҶ, боронсанҷи Третяков, дастгоҳ барои чен кардани боришоти моеъ ва дигар қатраҳои намноки аз фазо фурӯрехта. Боронсанҷ аз зарфи филиззии устувонашакли баландиаш 40 см, ғунҷоишаш 500 см2 буда, дар фосилаи 17 см аз таги он ҳоҷиз (диафаграмма)-и қифшакли сурохдор барои пешгирии бухоршавии боришот пайваст шудааст. Дар зери ҳоҷиз сурохи нулборик …

БОРОНКӮЛ, деҳа дар ҷамоати деҳоти ба номи Абдӣ Авазови ноҳияи Восеъ. Аз деҳа то маркази ноҳия 45 километр; роҳ автомобилгард. Аҳолиаш 629 нафар (2012). Боронкӯл мактаби таҳсилоти миёнаи умумӣ дорад. Соҳаҳои асосии хочагӣ: ғаллакорӣ, чорводорӣ ва сабзавоткорӣ. Заминҳо лалмӣ.

БОРОН, бориши атмосферие, ки аз абрҳо ба намуди қатраҳои моеъи кутрашон аз 0,5 то 6-7 мм меафтанд. Қатраҳои қутрашон зиёда аз 6-7 мм ҳангоми ба Замин афтидан ба қатраҳои хурд тақсим мешаванд. Қатраҳои ҷудогонаи Борон дар сатҳи моеъ халқаҳоро ба вуҷуд оварда, дар сатҳи ҷисмҳои хушк пайи тар мемонанд. Шиддати …

БОРОДУЛИН Ригор Иванович (таваллуд 24.2.1935, деҳаи Вересовкаи ноҳияи Ушачи вилояти Витебски Белоруссия), шоир ва тарчумони белорус. Нависандаи халқии Бе­лорус (1992). Баъди хатми Донишгоҳи давлатии Белоруссия дар муассисаҳои нашаротии «Белорус» ва «Мастаская литература» («Адабиёти бадеӣ»), г. «Советская Белоруссия» («Белоруссияи Советӣ»), маҷалаҳои «Бярозка» («Тӯс»), «Полимя» («Шуъла») кор кардааст. Узви ИН Белоруссия, узви …

БОРОДИН Сергей Петрович (25.9.1902, Маскав – 22.6.1974, Тошканд), нависандаи рус. Хатмкардаи Институти олии адабию бадеии ба номи В. Я. Брюсов (1926). Дар экспедитсияҳои бостоншиносӣ ва мардумшиносӣ (этнографӣ) ширкат доштааст (1923 – Бухоро, 1925-26 – Самар­қанд). Дар Шарқи Дур (1928), Қазоқистон (1929), Тоҷикис­тон (1931), Арманистон (1933) зиндагӣ карда, барои эҷоди асарҳо …

БОРОВИНКАИ ТОШКАНДӢ, навъе аз себҳои пешпазак. Ходимони Институти таҳқиқоти илмии боғу токдорӣ ва шаробкашии ба номи Р. Р. Шредер (шаҳри Самарқанд) рӯёндаанд. Дарахташ сершоху барг; то 7 м кад мекашад. Вобаста ба шароити иқлим аввали апрел гул карда, охири июл мевааш мепазад. Мевааш калон (вазнаш 140- 200 г), гирда ё …

БОРОБУДУР (Borobudur) ёдгори қадимии меъморӣ дар ҷазираи Яваи Марказии Индонезия. Дар даврони ҳукмронии Шайландер солҳои 778-850 бо истифода аз панҷоҳу ҳафт ҳазор метри мураббаъ сангҳои хокистарранги вулканӣ бунёд гардидааст. Тарҳи умумиаш ҳирамшакл буда, аз пойдевор ва ду ҷабат айвон иборат аст. Панҷ қабати поинии маъбад мураббаъшакли зинаосо бу­да, се қабати …

БОРНОМА, коносамент, ҳуҷҷати стандартӣ, ки дар амалияи байналмилалӣ барои бор кардану кашондан ва гирифтани мол (бор) ҳуқуқ медиҳад. Борнома барои роҳҳои байналмилалӣ пешбинӣ шудааст. Он коғази қиматнок буда, ҳуқуқи дар ихтиёр доштану кашондани борро тасдиқ менамояд. Ба Борнома ҳатман ҳуҷҷати суғуртаи бор ҳамроҳ карда мешавад. Ба он ҳуҷҷатҳои дигари зарурӣ …