БОЛЛИВУД, киностудия дар Ҳиндустон, дар шаҳри Мумбай (собиқ Бамбай) ҷойгир аст. Дар Болливуд қариб шаш млн на­фар коргардон, актёр, продюсер, наворгир, рассом, оҳангсоз, кинодраматург ва корманди техникию маъмурӣ фа­ъолият менамоянд. Соле то ҳазор филми бадеӣ, тасвирӣ, ҳуҷҷатӣ истеҳсол мекунад. Дахлу харҷи солонааш беш аз 1,3 млрд доллари амрикоиро ташкил медиҳад.

БОЛИД (фаронсавӣ bolide, аз юнонӣ bolis – найзаи партофташуда), 1) шиҳоб (метеор)-и дурахшониаш на камтар аз 4m (аз Зуҳра равшантар), ки андозаҳои кунҷии намоён дорад. Муниртарин Болид рӯзона ҳам намудор мешавад; шабона ҷилд ва думи онро низ дидан мумкин аст. Болид пайе мегузорад, ки аз гази иондор ва чанг иборат …

БОЛИВИЯ (Bolivia), Ҷумҳурии Боливия (Pepublica de Bolivia); аз 20.10.2010 номи расмиаш – Давлати бисёрмиллати Боливия (испанӣ Estado Plurinacional de Bolivia), давлат дар қисмати марказии Амрикои Ҷанубӣ. Дар шимол ва ғарб бо Бразилия, дар ҷануби шарқӣ бо Парагвай, дар ғарб бо Чили ва Перу, дар ҷануб бо Аргентина ҳамсарҳад аст. Масоҳаташ …

БОЛИВАР (Bolivar) Симон (24.7.1783, Каракас, Вене­суэла, 17.12.1830 – Санта-Марта, Колумбия), яке аз роҳбарони муборизаи озодихоҳонаи мустамликаҳои Испания дар Амрикои Лотинӣ, ходими давлатӣ. Дар шаҳри Каракаси Венесуэла, дар оилаи ашрофзода таваллуд шудааст. Аз падару модар барвақт маҳрум гашта, таҳти васояти амакаш ба камол расидааст. Солҳои 1799-1806 ба Аврупо карда, дар Испания, …

БОЛДОӢ, деҳа дар ҷамоати деҳоти Саталмуши ноҳияи Балҷувон. Аз Болдоӣ то маркази ноҳия 11 км, то вилоят 131 км; роҳ автомобилгард. Аҳолиаш 85 нафар (2013). Соҳаҳои асосии хоҷагӣ: ғаллакорӣ ва сабзавоткорӣ. Заминҳо аз оби чашмаи Дараи Чинор обёрӣ мешаванд.

БОЛДИРЕВ Алексей Василевич (27.3.1780-29.8.1842, Маскав), забоншинос-шарқшиноси рус. Хатмкардаи Университети давлатии Маскав (1805). Баъдан дар Олмон ва Фаронса таҳсил кардааст. Профессор (1815) ва ректори Университети давла­тии Маскав (1832-37). Соли 1811 дар Университети давлатии Мас­кав таълими мунтазами забонҳои Шарқ (арабӣ, яҳудии қадим, форсӣ ва ғайра)-ро ҷорӣ намуд. Муаллиф ва мураттиби «Грамматикаи мухтасари …

БОЛДИРЕВ Александр Николаевич (29.5.1909, Санкт- Петербург -1993, ҳамон ҷо), шарқшинос-эроншиноси рус, доктори илмҳои филология (1954), профессор (1959). Ходими хидматнишондодаи илми Ҷумҳурии Шӯравии Сотсиалистии Тоҷикистон (1969). Хатмкардаи Институти фалсафа, адабиёт ва санъати шаҳри Ленин­град (1931). Ходими илмии Базаи тоҷикистонии АИ Иттиҳоди Ҷумҳурии Шӯравии Сотсиалистӣ (1933-36), шуьбаи Шарқи Эр­митажи давлатии Ленинград (1936-41), …

БОЛДАСТҲО (Chiroptera), як қатори ҷонварони ширхор. Болдастҳо қобилияти парвози дурударозро доранд. Пойҳои пеши онҳо ба бол табдил ёфтаанд. Ангушти якум озод аст; ангуштони дигар, устухонҳои банди даст ва соид дароз шуда, пустпардаи болро ба вуҷуд меоваранд. Дум низ бо пустпарда пайваст аст. Суфраи гӯш хеле ташаккул ёфта, дар бисёр Болдастҳо …

БОЛ, узвест, ки ҷонварон ба тавассути он парвоз ва ҳаракат мекунанд. Баъзе бандпойҳо (аксари ҳашарот), ҳамаи парандаҳо ва баъзе ширхурҳо (кӯршабпарак) Бол доранд. Ҳамчунин калтакалосҳои паррони мунқариз Бол доштанд. Сохт ва пайдоиши Бол гуногун аст. Дар ҳашарот вазифаи Болро унсури лавҳашакл, ки аз пардаи пурчини қисми миёна ва қафои тӯш …

БОҚӢ РАҲИМЗОДА (то 14.12.12 Ҷайратеппа), деҳа дар қисми ғарбии ҷамоати деҳоти Қаратоғи тобеи шаҳри Турсунзода. Аз деҳа то маркази ноҳия 9 км; роҳ асфалтпӯш. Аҳолиаш 1382 нафар (2013). Мактаби таҳсилоти умумии ибтидоӣ дорад. Талабагон таҳсилро дар мактаби таҳсилоти миёнаи умумии деҳаи Имоми Аъзам (собиқ Қӯшбулоқ) идома медиҳанд. Боқӣ Раҳимзода ду …