СМИТСОНИТ

СМИТСОНИТ (аз номи кимиёгар ва минералоги англис Ҷ. Смитсон), минералест аз гурӯҳи карбонатҳои табиӣ. Таркиби химиявиаш ZnСO₃ (ZnО—64,9%, С0₂—35,1%). Омехта- ҳояш: Ғе, Мn, Сd, Со, Мg, Рb. Системаи кристаллбандиаш тригопалӣ. Кристаллҳояш ромбоэдрӣ ва скаленоэдрӣ. Одатан дар шакли массаҳои донадору хока ва агрегатҳои шишамонанд ёфт мешавад. Рангаш сафед, зард, хокистарранг, бӯр ва ғайра. Сахтиаш 4—4,5; зичиаш 4300—4400 кг/м³. Смитсонит минерали хоси зонаи оксидшавии конҳои сулфиди руҳ дар байни оҳаксангҳо мебошад. Смитсонит маъдани муҳимми руҳ аст.