РАТАН—600 (ихтисораи ибораи русии “Радиастрономический телескоп АН СССР”), калонтарин радиотелескопи ҳалқагиест (диаметри халқаи телескоп 600 м), ки дорои антеннаи профилаш тағйирёбанда мебошад. Барои дар диапазони радиомавҷҳо (аз 8 мм то 31 см) тадқиқ намудани манбаъҳои радиоафканишоти кайҳонӣ таъин шудааст. Ратан-600, ки он дар Кавкази Шимолӣ дар наздикии статсаи Зеленчук воқеъ аст, соли 1977 ба истифода дода шудааст. Ратан-600 якҷоя бо Телескопи калони азимути диаметраш 6 м як қисми Расадхонаи махсуси астрофизикии АФ СССР-ро ташкил медиҳад. Инъикоскунандаи антеннаи радиотелескоп ҳалқаи сарбастаеро мемонад, ки аз 895 элементи мутаҳаррики алюминийи масоҳати ҳар кадомаш 7,4X2 м2 иборат аст. Ин элементҳо тавассути таҳвили электрик таҷҳизоти насбкунанда ба мавқеи лозима оварда мешаванд. Элементҳои инъикоскунанда дар болои таҳкурсии бетонӣ ҷойгиранд. Масоҳати пурраи сатҳи қабулкунаки радиотелескоп ба 14000 м2 баробар аст. Барои мушоҳидаҳои дарозмуддат Ратан-600 бо оинаи ҳамвори перископии дарозиаш 400-метра ҷиҳозонида шудааст. Ратан-600 коордиватаҳои манбаъҳои радооафканишотро бо саҳеҳии то 0,1-и камон муайян менамояд.
В. А. Капранов.